Auglýsingastoppari! Er barnið þitt á leikjasíðum með óviðeigandi auglýsingum?

Við þekkjum öll leiðinlegar auglýsingar sem birtast oftar en ekki á leikjasíðum sem bjóða upp á ókeypis leiki.  Barnvænar síður eru oft á tíðum ekki svo barnvænar.  Hér er ókeypis lausn sem virkar fyrir flestar tölvur, spjaldtölvur og síma.

AdBlockPlus fjarlægir auglýsingar úr síðum

AdBlock Plus er ókeypis forrit sem þú setur í tölvuna þína og virkar forritið þannig að vafrinn sækir ekki auglýsinguna sem annars myndi birtast.  Forritið er einfalt í uppsetningun hefur nokkuð vel þar sem ég hef sett það upp sjálfur.  Það lokar jafnvel á “popup” glugga og myndi t.d. fjarlægja auglýsinguna sem birtist hér fyrir neðan alla pósta;)

AdBlock Plus hefur sérstakt gildi þegar kemur að því að verja börn fyrir óæskilegum auglýsingum.  Mörg þeira spila fría leiki á leikjasíðum og þar grassera oft auglýsingar frá stefnumótasíðum, pókersíðum og öðru efni sem ætlað er til að fá grunlausa spilara inn á vefsíður sem oft innihalda vírusa og annan óþrifnað.

Mörg dæmi eru um krakka sem flækjast inn á vefsíður sem eru alls ekki ætlaðar þeim, aðeins vegna þess að smellt var á auglýsingu sem birtist á vefsíðu sem er hugsuð fyrir krakka.

Skoðaðu myndbandið hér að neðan og heimasíða AdBlock er hér.

Ummæli

ummæli lesenda